MATOKEO AFCON 2015 GHANA 1-0 ALGERIA ASAMOAH GYAN ATUPIA

 
BAO la dakika ya 92 toka kwa Nahodha Asamoah Gyan limewapa Ghana ushindi wa Bao 1-0 walipocheza na Algeria Mechi ya Kundi C la Mashindano ya Mataifa ya Afrika, AFCON 2015, huko Estadio de Mongomo Mjini Mongomo Nchini Equatorial Guinea.

Bao hilo la Gyan lilifungwa Dakika ya 92 na kuweka hai matumaini ya Ghana kutinga Robo Fainali baada ya kufungwa Mechi yao ya kwanza 2-1 na Senegal.

Gyan, ambae hakucheza Mechi na Senegal baada ya kuugua, alifunga Bao hilo katika Dakika 3 za Nyongeza baada ya Dakika 90 kwisha baada ya kupokea Pasi ndefu na kumzidi maarifa Medjani na kisha kuachia Shuti.

Baadae Leo, Senegal na South Africa watacheza Mechi nyingine ya Kundi C.

VIKOSI:

Algeria (4-3-3): M’Bolhi; Mandi, Bougherra, Medjani, Ghoulam; Bentaleb, Lacen, Taider; Feghouli, Belfodil, Brahimi.

Ghana (4-4-2): Razak; Afful, Amartey, Mensah, Rahman; Atsu, Acquah, Badu, A. Ayew; J. Ayew, Gyan

REFA:Koman Coulibaly [Mali]