MATOKEO EPL LIVERPOOL YATOKA SARE 2-2 NA ARSENAL SKRITEL ASAWAZISHA DAKIKA YA 96

Jumapili Desemba 21

Newcastle 0 Sunderland 1          

Liverpool 2 Arsenal2

Liverpool, wakicheza kwao Anfield, wamelazimisha sare ya magoli 2-2 dhidi ya Arsenal baada ya kusawazisha bao katika Dakika ya 96 walipokuwa nyuma kwa Bao 2-1 walipocheza na Arsenal na Refa Michael Oliver kuongeza Dakika 9 za nyongeza kufidia muda ambao Beki wao Martin Skrtel alipokuwa akitibiwa na ni yeye Skrtel ndie alisawazisha Bao hilo kwa Kichwa.

Liverpool walitangulia kufunga Bao katika Dakika ya 45 kupitia Phillippe Coutinho na Arsenal kusawazisha Dakika moja baadae kwa Bao la Mathieu Debuchy.

Kipindi cha Pili, Olivier Giroud aliipa Arsenal Bao la Pili na lilidumu hadi Dakika ya 90 ambapo Refa Michael Oliver aliongeza Dakika 9 za Majeruhi na Dakika 3 baadae Liverpool kubaki Mtu 10 baada ya Fabio Borini kutolewa nje kwa Kadi Nyekundu baada ya kumchezea Rafu Cazorla.

Zikiwa zimebaki Dakika 3 za muda wa Majeruhi uliongezwa kwa kuumia Sentahafu wa Liverpool Martin Skrtel, Beki huyo huyo ndie alieunganisha Kona ya Adam Lallana kwa Kichwa na kuipa Liverpool Sare ya Bao 2-2.

Matokeo haya yamewaacha Liverpool wakiwa Nafasi ya 10 wakiwa na Pointi 22 huku Arsenal wakiwa Nafasi ya 6 wakiwa na Pointi 27 na Timu zote zikibaki kutupwa mbali kidogo na Timu 4 za juu ambapo Timu iliyo Nafasi ya 4, West Ham, ina Pointi 31.

Ligi Kuu England itaendelea Jumatatu Usiku wakati Vinara wa Ligi Chelsea watakapotembelea Britannia Stadium kucheza na Timu ngangari Stoke City.

 

VIKOSI:

Liverpool: Jones; Toure, Skrtel, Sakho; Henderson, Lucas, Gerrard, Markovic; Coutinho, Sterling, Lallana

Akiba: Jose Enrique, Lambert, Moreno, Manquillo, Mignolet, Can, Borini.

Arsenal: Szczesny; Debuchy, Chambers, Mertesacker, Gibbs; Flamini, Oxlade-Chamberlain; Sanchez, Cazorla, Welbeck; Giroud

Akiba: Podolski, Walcott, Monreal, Martinez, Campbell, Coquelin, Maitland-Niles.

MAGOLI:
Liverpool 2

-Phillippe Coutinho Dakika ya 45

-Martin Skrtel 90 +6:05

Arsenal 2

-Mathieu Debuchy Dakika ya 45 +1:07

-Olivier Giroud 64

REFA: Michael Oliver

 Arsenal defender Per Mertesacker attempts to block the ball as Coutinho rifles his shot low and hard at goal to fire Liverpool ahead