YAW BERKO ARUDI GHANA

Kipa wa zamani wa Simba SC na Yanga SC, Yaw Berko amejiunga rasmi na klabu yake ya zamani Liberty Professionals FC y Ghana.

Berko amesaini Mkataba wa mwaka mmoja na Liberty baada ya kumaliza Mkataba wake wa miezi sita Simba SC.

Berko alisajiliwa Desemba mwaka jana Simba SC kama mchezaji huru baada ya kutemwa na Yanga SC msimu wa 2012/2013, hata hivyo akadaka mechi tano tu na kufungwa mabao sita kutokana na kuzidiwa kete na Ivo Mapunda, aliyekuwa kipa namba moja.

Alidakia Simba SC katika mchezo wa kirafiki ikishinda 3-1 dhidi ya KMKM, Dar es Salaam akafungwa bao moja, akadakia tena Simba SC ikishinda 1-0 na KMKM tena, akadaka Simba SC ikifungwa 1-0 na Mtibwa Sugar mchezo wa kirafiki,

akafungwa moja, akadaka Simba SC ikitoka sare ya 1-1 na Mbeya City mchezo wa Ligi Kuu mjini Mbeya akafungwa moja kabla ya kudaka Simba SC ikifungwa 3-2 na JKT Ruvu Ligi Kuu akafungwa zote tatu.

Simba SC haikumuongezea mkataba mwishoni mwa msimu na sasa amerejea timu iliyomlea kisoka, Liberty.
Berko alianzia soka Liberty Professionals FC na mwaka 2005 alikwenda kucheza kwa mkopo Pisico Binh Dịnh FC ya Vietnam kabla ya kurejea Ghana baada ya mwaka mmoja.

 Yaw Berko amejipatia umaarufu nchini Tanzania baada ya kujiunga na Yanga SC Desemba mwaka 2009 na kucheza hadi 2013 ambapo aliichezea kwa mafanikio