RATIBA YA LIGI KUU ENGLAND KUPIGWA SIKU YA MWAKA MPYA MANCHESTER UNITED KUCHEZA NA STOKE CITY, CHELSEA KUKIPIGA NA SPURS

LIGI KUU ENGLAND inaanza Mechi za Mwaka Mpya 2015 kwa Timu zote 20 kucheza Januari Mosi na Mechi ya utangulizi ni ile ya Uwanja wa Britannia wakati Wenyeji Stoke City watakapocheza na Manchester United.
Mechi hi ya utangulizi itaanza Saa 9 Dakika 45 Mchana Saa za Bongo na inazikutanisha Stoke ambayo iko Nafasi ya 11 ikiwa na Pointi 25 na Man United ambayo iko Nafasi ya 3 ikiwa na Pointi 36.
Mechi hiyo itafuatiwa na Mechi 8 zitakazoanza Saa 12 Jioni na mojawapo ni ile ya Mabingwa Watetezi Man City watakaokuwa Nyumbani Etihad kucheza na Sunderland.
Vigogo wengine ambao watacheza muda hao ni Liverpool ambao wako kwao Anfield kucheza na Leicester City wakati Arsenal, walio Nafasi ya 5, watakuwa Ugenini kucheza na Southampton, walio Nafasi ya 4, lakini Timu zote zina Pointi sawa, Pointi 33.
Siku hii ya kwanza ya Mwaka Mpya itakamilika kwa Mechi itakayoanza Saa 2 na Nusu Usiku huko Stamford Bridge wakati Vinara wa Ligi Chelsea watakapocheza Dabi ya Jiji la London dhidi ya Tottenham Hotspur.
LIGI KUU ENGLAND
RATIBA:
Saa za Bongo
Alhamisi Januari 1
1545 Stoke v Man United           
1800 Aston Villa v Crystal Palace          
1800 Hull v Everton         
1800 Liverpool v Leicester          
1800 Man City v Sunderland                 
1800 Newcastle v Burnley           
1800 QPR v Swansea                 
1800 Southampton v Arsenal               
1800 West Ham v West Brom               
2030 Tottenham v Chelsea