MCHEZAJI WA SIMBA SC AFARIKI GHAFLA UGANDA BAADA YA LAMPARD KUIFUNGA TIMU YAKE YA ZAMANI

Mchezaji wa Simba FC inayoshiriki Ligi Kuu Uganda, Fahad Musana amefariki dunia ghafla wakati akiwa kwenye banda la video kushuhudia mechi ya Ligi Kuu England kati ya Manchester City na Chelsea juzi.

Kwa mujibu wa mtandao wa kawowo.com, Musana (24), alianguka sekunde chache tu baada ya Frank Lampard kuifungia Man City bao la kusawazisha katika mechi hiyo iliyomalizika kwa sare ya bao 1-1. Musana ni shabiki mnazi wa Chelsea. Kilichoshtua ni kwamba Musana alicheza mechi ya ligi dhidi ya Entebbe kwenye Uwanja wa Nakivubo Jumamosi iliyopita na timu yake iliibuka na ushindi wa bao 1-0.

Imeelezwa kwamba juzi Musana alifanya mazoezi na wenzake na kupata nao mlo wa mchana kabla ya kwenda kutazama mechi ya Manchester United na Leicester City kwenye banda hilo lililopo Bombo Mjini na baadaye akasubiri pia mechi ya klabu yake ya Chelsea. Musana alionekana kuwa na furaha wakati Chelsea ilipokuwa mbele kwa bao la Andre Schurrle, lakini baada ya Lampard kusawazisha tu alianguka na kufariki dunia. Maiti yake ilipelekwa katika Hospitali ya jeshi ya Bombo.

Fahad Musana
Tarehe ya kuzaliwa	12 october 1990 iganga, Uganda
Tarehe aliyofariki	21 de septiembre de 2014 (23 años) Lugazi, Uganda
Taifa	Uganda
Nafasi anayocheza	Beki/Defender
Alijiunga na Simba	2010
Clabu anayochezea	Simba FC
Hadi mwaka	2014
Alifariki akiwa mchezaji wa	Simba FC