CHELSEA KUFUNGUA LIGI NA BURNLEY LEO

Katika muendelezo wa mechi za ufunguzi katika ligi kuu ya England EPL leo ni zamu ya matajiri wa London Chelsea itakapo kwaana na timu iliyopanda daraja ya Burnley katika itakayochezwa kwenye uwanja wa Turf Moor.

Mechi hiyo itakayoanza majira ya saa 10:00 za usiku kwa majira ya Tanzania.
Kama inavyodaiwa na Wachambuzi wengi huko England, Msimu huu mpya Chelsea ndio Timu imara na kali na hivyo wao ndio ‘Mabingwa Watarajiwa’ na Usiku huu wataanza kampeni yao kwa kucheza Mechi yao ya kwanza kabisa ya Ligi Kuu England Ugenini huko Turf Moor na Burnley, Timu iliyopanda Daraja Msimu huu.


Mchezaji mpya wa Burnley Lukas Jutkiewicz huenda akacheza kwa kushirikiana na Straika mwngine Danny Ings.
Chelsea inatarajiwa kuwachezesha Wachezaji wao wapya Cesc Fabregas, Diego Costa na Filipe Luis lakini Didier Drogba huenda asicheze baada ya kupata maumivu kwenye Mechi yao ya Kirafiki hivi Majuzi.

Turf Moor ni Uwanja mgumu kwa Timu ngeni na Timu nyingi, hata kubwa, zimewahi kusulubiwa Uwanjani hapo ambapo Mashabiki wake hushangilia ‘kiwehu’ na kuleta mchecheto kwa Wapinzani.
Lakini Burnley ni Timu ndogo na huwezi ukalinganisha thamani ya Kikosi chao na Chelsea ambayo imetumia Fedha nyingi hasa kulimaliza tatizo lao la Msimu uliopita la kutofunga Goli nyingi.
Diego Costa ni Straika hatari na Cesc Fabregas ni Mchezaji mbunifu mno na ni rahisi kufunga na kutengeneza Magoli na pengine hili ndio limewafanya Wachambuzi wengi waone Msimu huu mpya Bingwa ni Chelsea.

Uso kwa Uso
Burnley hawajaifunga Chelsea katika Mechi ya Daraja la juu tangu waliposhinda 1-0 hapo Turf Moor Tarehe 28 Agosti 1973.
Lakini, Miaka ya 1977 na 1983, wote walipokuwa Daraja la Pili, Burnley iliichapa Chelsea kwenye Mechi za Nyumbani.
Mwaka 2008, Burnley iliitoa Chelsea kwa Penati kwenye Raundi ya 4 ya Kombe la Ligi kwenye Mechi iliyochezwa Stamford Bridge.