NI REAL MADRID AU SEVILA LEO UEFA SUPER CUP

 FAINALI ya UEFA SUPER CUP 2014, ikiashiria kuanza rasmi Msimu mpya wa Mechi za UEFA za Klabu Barani Ulaya, itachezwa LEO Usiku huko Cardiff City majira ya saa tatu na dakika arobaini na tano usiku , Wales kati ya Mabingwa wa UEFA CHAMPIONZ LIGI, Real Madrid, na Mabingwa wa EUROPA LIGI, Sevilla.

Kivutio kikubwa kwa Fainali hii ni kuwaona Real wakiwachezesha Mastraika wao Watatu wa Bei mbaya kucheza kwa pamoja kwa mara ya kwanza.
Watatu hao, wenye thamani ya Jumla ya Pauni Milioni 230, ni Gareth Bale, James ‘Bond’ Rodriguez na Cristiano Ronaldo.
Kwa Gareth Bale, Mechi hii itachezwa Mji wa Nyumbani kwao.

Hii ni Fainali ya 4 ya UEFA Super Cup kukutanisha Timu za Nchi moja kufuatia zile za 1990, 1993 na 2006.

Hali za Wachezaji

Gareth Bale, Cristiano Ronaldo na James Rodriguez wote wanatarajiwa kuanza pamoja na Toni Kroos lakini Real itamkosa Kiungo wao Xabi Alonso ambae amefungiwa na UEFA.
Sevilla inatarajiwa kuanza na Wachezaji wao wapya Iago Aspas na Grzegorz Krychowiak.

Uso kwa Uso
-Real Madrid na Sevilla zimeshakutana mara 172 na Real kushinda Mechi 90, Sevilla kushinda 53 na Sare 29.
-Ulaya washakutana mara moja kwenye Robo Fainali ya Klabu Bingwa ya Ulaya Mwaka 1957/58 na Real kuichapa Sevilla 8-0 na Alfredo Di Stéfano kufunga Bao 4 baada ya kutoka Sare 2-2.
-Kwenye Fainali ya Kombe, walikutana mara moja Fainali ya Copa del Rey ya Mwaka 1962 na Real kushinda 2-1 huko Santiago Bernabéu.
+++++++++++++++++++++++++++++++++++++
Uso kwa Uso – Mechi 5 zilizopita:
Sevilla 2-1 Real Madrid
Real Madrid 7-3 Sevilla
Real Madrid 4-1 Sevilla
Sevilla 1-0 Real Madrid
Real Madrid 3-0 Sevilla
VIKOSI VINATARAJIWA:
REAL MADRID [Mfumo: 4-2-1-3]:
-Iker Casillas
-Carvajal, Sergio Ramos, Pepe, Coentrao
-Toni Kroos, Luka Modric
-James Rodriguez
-Gareth Bale, Karim Benzema, Cristiano Ronaldo
-Kocha: Carlo Ancelotti
SEVILLA [Mfumo: 4-4-2]:
-Beto
-Coke, Pareja, Fazio, Moreno
-Krychowiak, Denis, Carriço,Iborra
-Aspas, Bacca
-Kocha: Unai Emery
REFA: MARK CLATTENBURG [England]