MBEYA CITY YAKIMBIA MJI KATIKA KUJIANDAA NA LIGI KUU TANZANIA BARA

Timu ya soka ya Mbeya City kutoka Jijini Mbeya inayoshiriki ligi kuu ya Tanzania bara imeweka kambi nje ya mji kwa ajili ya kujiandaa na ligi hiyo msimu ujao itakayoanza kutimua vumbi september 20 mwaka huu.

Timu hiyo inayodhaminiwa Kampuni ya Bin Slum Tyre inaonekana kupania kufanya vizuri zaidi msimu ujao kwa kujiandaa vizuri chini ya kocha wao Juma Mwambusi

Msemaji wa Mbeya City, Dismas Ten amesema wanaendelea na maandalizi makubwa kwa kuwa wamepania kucheza michuano ya kimataifa.

“Tumeamua kuweka kambi nje ya mji wa Mbeya kwa ajili ya kujiimarisha zaidi na mwalimu Juma Mwambusi anaendelea na maandalizi.

“Lengo ni kucheza michuano ya kimataifa ukizingatia Mbeya City ni kati ya timu zinazotupiwa macho na wengi.

“Hivyo lazima kujiandaa vilivyo na tunataka kufanya vizuri ingawa tunajua si kazi lahisi,” alisema Dismas.

Mbeya City ilimaliza msimu uliopita ikiwa katika nafasi ya tatu nyuma ya mabingwa Azam FC na Yanga walioshika nafasi ya pili.