MASHINDANO YA NGUMI TAIFA KUFANYIKA OCTOBER TIMU ZINAOMBWA KUSHIRIKI KWA WINGI

MWALIKO WA KUSHIRIKI MASHINDANO YA NGUMI YA TAIFA

YATAKAYOSHIRIKISHA MIKOA YOTE YA TANZANIA BARA ,

DAR ES SALAAM 08-14/10/2014

Tafadhari sana husika na mada hapo juu,

Shirikisho la ngumi Tanzania (BFT) limeandaa mashindano ya ngumi ya Taifa, yatakayofanyika kuanzia tarehe 08-14/10/2014 jijini Dar es salaam. Siku ya kumbukumbu ya kifo cha baba wa Taifa Mwl. Julius Kambarage Nyerere.

Mashindano yatashindanisha mabondia kutoka mikoa yote ya Tanzania bara na timu kutoka katika vyombo vya ulinzi na usalaama kama wanachama wa BFT.

Lengo la mashindano ni kupata timu mpya ya taifa kwa maandalizi ya mashindano ya kanda ya tatu ya Afrika 2015, Michezo ya Afrika 2015,Ubingwa wa dunia 2015, Michezo ya Olimpiki 2016 na mashindano mbalimbali tutakayoalikwa ndani na nje ya Tanzania.

Pia Mashindano hayo yatahusisha mabondia vijana (youth), wakubwa (senior), na wanawake (women) kwa ratiba maalum ambayo itapangwa na wataalam wa BFT.

Mpangilio na taratibu za kuweza kushiriki mashindano utakuwa kama ifuatavyo:-

· 29/09/2014: Mwisho wa kutuma majina ya washiriki wote katika

ofisi za BFT

· 07/10/2014: Timu zote kuwasili Dar es salaam

· 08/10/2014: Kupima uzito na afya na ufunguzi wa mashindano

· 09-10/10/2014: Mashindano kuendelea hatua ya mtoano

· 11-12/10/2014: Mashindano kuendelea Hatua ya nusu fainali

· 13/10/2014: Mashindano kuendelea hatua ya nusu fainali

· 14/10/2014: Mashindano kuendelea hatua ya fainali

· 15/10/2014: Timu zote kuondoka.

Kila bondia atatakiwa kuja na kitabu cha kumbukumbu ya mashindano (competition record book) na mavazi yake nadhifu ya kuchezea ngumi ulingoni yanayokubalika katika sheria za mavazi za AIBA pamoja na mouth guard.

Sheria na kanuni za chama cha ngumi cha dunia ( AIBA ) ndizo zitakazotumika wakati wote wa mashindano

Aidha kila timu itatakiwa kujilipia nauli ya kuja na kurudi na malazi wakati wote wa mashindano na BFT tutahusika na chakula kwa timu zote za kutoka nje ya Dar es salaam, huduma za matibabu wakati wa mashindano pamoja na masuala yote ya kiufundi.

Pia BFT itatoa vyeti kwa washiriki wote na medali kwa washindi.

Ada ya ushiriki wa kila timu ni Tsh. 50,000/= na italipwa sambamba na kuthibisha ushiriki kabla ya tarehe 29/09/2014.

NB:tunasisitiza mwisho wa kutuma majina kwa washiriki wote na tarehe 29/09/2014 na katika kutuma zingatia kuainisha jinsia, umri na kundi atakaloshiriki yaani vijana ,wakubwa au wanawake na hakuna timu itakayoruhusiwa kushiriki kama haitathibitisha kushiriki kwa wakati uliopapangwa ikiwa pamoja na kulipa ada.

Nawatakia maandalizi mazuri

Makore mashaga

KATIBU MKUU